喺寫緊呢篇稿嘅時候，我喺彌敦道上面嘅巴士上面。望住五光十色嘅招牌，密密麻麻嘅文字，我由太子一路搭到油麻地。耳筒入面響起soundtrack入面嘅緩慢、深沉嘅節奏，鼓聲配上一種近乎係tribal同宗教儀式入面嘅歌聲。望住窗外嘅景色，如果而家落雨嘅話，應該會同作品入面嘅場景有啲相似⋯⋯
Read More
最近唔見咗兩個禮拜係因為Clubhouse！！唔知你哋有幾多人同我一樣都係introvert內向嘅人呢？我發現我真係唔係一個轉數好快嘅人，同埋要同人對話真係令我覺得好攰好攰，所以玩咗一個禮拜Clubhouse我就已經burn out！為咗呢一集，我特登搵番遠在澳洲嘅好朋友Joyce送俾我嘅一本書《Quiet》嚟睇。呢本書作者Susan Cain。好好笑，個封面副題係：The power of introverts in a world that can't stop talking。真係好應景。當年睇咗呢本書係令到我開竅，令我embrace自己嘅性格原來係冇問題嘅。
Read More
星期六嘅時候被邀請去參觀最近好多人講嘅皇都戲院。大家都喜歡拍皇都的屋頂，但我鍾意嘅係拆咗假天花而得以重見天日嘅戲院內部。沿著一個暗暗嘅入口，當時裡面係工程當中，所以牆都是灰灰的，靠著窗邊而來嘅微弱陽光，上咗幾層去到超等座⋯⋯另外一樣我好想好想今個禮拜講嘅呢，就係好紅嘅Clubhouse。喺五官之中，大家已經玩夠咗visual，由YouTube、Instagram去到Tik Tok，大家都攰啦下嘛？而嗅覺、皮膚觸覺、味覺又未係好多嘢玩，所以聽覺就係下個要征服嘅世界。AI時代，需要嘅係好多連上個人嘅身份嘅數據。劇本已經寫好，歡迎大家終於來到連對話都可被監控、預測嘅新時代！
Read More
一直以來，作者主張大家可以從消費入手，每一蚊都係改變制度嘅一票，成為一個ethical consumer。幾十年來，佢食素、買有機食物、唔買快時尚，甚至為有意識消費寫書。呢一種用消費令世界變得更好成為咗佢嘅identity。佢嘅轉捩點係喺肺炎席捲全球期間，佢問自己，我哋社會嘅問題，由氣候危機到制度上嘅種族歧視、到經濟嘅不公平嘅問題，原來係咁嚴重、咁深入制度，而一場疫症令我哋不得不面對呢啲不公。簡單來講就係，搞咗咁耐，到有事嘅時候原來都仲係有咁多問題！！！所以，佢走咗去Gap買衫🚬🤷🏻♀️
Read More
今次決定要做一個比較輕鬆啲嘅題目，靈感係來自之前instagram上面問大家有啲咩問題想問我嘅時候，唔少嘅回覆都係環繞住點樣學英文嘅。而間唔中都有人問我同一個問題。之前一路都唔知點答，因為呢個唔係一個學語言嘅頻道，我亦都唔係老師，但係被問得多都有啲答案係不停重複又重複。亦都好多謝大家咁俾面，喺一個廣東話podcast入面聽我講點樣學英文😂
Read More
其實cultural appropriation係好值得我哋留意，尤其係而家種族、文化嘅關係微妙，大家都如履薄冰。喺現今globalised全球化嘅社會，經常有文化交流，再加上最近好多香港人講移民⋯⋯如果淨係一個文化嘅人先可以consume自己嘅文化，咁我哋唔可以聽hip hop、食pizza、唔可以煮法國菜、唔可以講英文？究竟幾時先係cultural appropriation，幾時先係cultural appreciation？
Read More
《Mindfuck》講嘅除咗係SCL到CA嘅前世今生點樣由軍用去到用於政治，亦都係我哋好多人都睇漏咗嘅：有data都要有人識用，先可以fuck people up。Data只係基本，但更重要嘅係點樣摧毀一個群體。由摧毀、分化犯罪集團，到點樣為極右思想埋下根基，呢本書都可以為你提供答案⋯⋯
幻想下，你而家喺床上面暖笠笠嘅被鋪入面。而家係朝頭早嘅8點正，鬧鐘根據你琴晚上床訓覺嘅時間、日出時間同埋你今日嘅agenda計算到你今朝差唔多時間起身。 "Hi Joanna. Your mood is under average rating vs population. You are prescribed a dose of happiness today. Please make sure you take it before your 9.25am appointment."
Read More
要講嘅係Highsnobiety嘅一篇文章《Creativity is Dead, Long Live Curation》，作者Ana Andjelic。隨著社交媒體同資訊普及化，無論你鍾唔鍾意都好，策展人嘅角色唔再局限喺展覽入面，時代嘅策展人，係你同我。
Read More
今個禮拜六嘅天氣唔係幾好，今日又有幾十宗確診，最好呢就係留喺屋企睇書！呢個禮拜我都好想睇哂《娛樂至死》呢一本書。咁岩又睇到最近新鮮出爐嘅虛擬化妝系列，同埋矽谷最新嘅一個淨係可以以聲音交流嘅社交平台。喺未來，我哋嘅身份證唔再係基於樣貌，而係biometrics例如基因、瞳孔等等。如果我哋將呢一個未來，連同《娛樂至死》入面嘅知識傳播model一齊諗，我哋嘅美麗新世界又會係點嘅呢？
Read More
睇咗《哲學有偈傾》嘅一集，叫做《且讓我哋娛樂至死》。原來好多人都對佢嘅內容好有共鳴，咁喺呢一度就當我班門弄斧，為其他未睇呢一集嘅人約略講下當中我覺得值得留意嘅想法同埋我嘅見解！節目嘅開首提到兩本作品，一本係George Orwell嘅《1984》，另一半係Aldous Huxley嘅《Brave New World》。兩者聽落去好似係兩個極端，其實兩本書所講嘅未來，同兩位作者都有好多相同之處⋯⋯
Read More
今次呢一集係極其驚嚇同痛苦嘅心情寫嘅。以後我哋會用乜嘢方式去measure思想呢？喺Homodeus嘅新時代，我哋嘅一舉一動都被電器記錄。而家網上見到嘅廣告，係根據我哋係網上世界嘅一舉一動。以前我哋會有好多common grounds，因為我哋資訊嘅吸收係報紙、電視，我哋marketing嘅人叫佢哋做mass communication。但係近呢十年多咗嘅係targetted communication。好聽嘅係每個人收到嘅訊息係custom-made，但係難聽嘅係每個人嘅真相都可以唔同。當商家可以咁樣利用data，political campaigns亦都可以。有時我唔知究竟係政治、軍事活動帶動科技，定係vice versa。
Read More
你有冇諗過，喺遙遠嘅非洲，喺剛果嘅泥土之下，承托著整個Silicon Valley同科技世界呢？太陽啱啱升起，原來科技銀光閃閃嘅外表下面，靠嘅係35歲嘅Mayamba門外面一片泥紅色嘅山頭⋯⋯
Read More
喺《妖女》呢隻碟推出嘅之後一年，《The Last Emperor 末代皇帝》上畫。睇咗之後到而家我都仲係shellshock緊，有一種揮之不去嘅哀愁同驚訝，有一種唔知自己身在何地嘅感覺。如果有乜嘢戲係應該一生人睇一次，生於香港嘅你同埋我應該要喺戲院睇一次。如果你未睇過而又想睇，但係唔鍾意劇透，咁睇完先聽呢一集喇！
Read More
2018年7月，我同多年前拎咗同一個獎學金嘅同學仔一齊去咗一個所謂嘅innovation & leadership week。我仲記得我哋嗰個晏晝喺陽光底下飲住杯好難飲嘅咖啡（英國嘅咖啡⋯⋯），涼涼地嘅天氣下面曬太陽。活動要求我哋諗一啲ideas出來，然後一齊諗辦法將佢變成一個business case。估唔到最難嘅部份係諗一啲新嘅idea。都已經唔講究賺唔賺到錢，成20個人，大家一講到idea就呆咗。於是我將我心入面嘅奇怪idea講晒出來，例如用紅酒渣整唇膏、3D print胸圍、一對可以分拆嘅鞋可以變成平底／高踭鞋等等⋯⋯
Read More
唔知你心目中嘅革命係乜嘢一回事呢？今日我同朋友去咗Eaton Hotel，係外牆嘅海報已經改成烏拉圭攝影師Pablo Albarenga嘅作品，內容係亞馬遜雨林被砍伐的森林中，喺黎明時分光與影之間孤獨挺立於土地上面嘅大樹。但係相信大家都會記得過去嘅一年，同一個位置佈置咗一個我哋好多人都會問自己嘅問題：「你嘅生命變革係點樣嘅一段故事？」What does your revolution look like? 好似好嚴肅呀呵，咁不如我哋大家去到海邊：幻想我哋係海邊散步，腳下面係凹凸不平嘅沙，微風同埋濕濕笠笠嘅空氣吹住頭髮。我哋望下自己身上面嘅衫，用蠶絲入面嘅蛋白質同海藻製成，係雨中漫步嘅我哋慢慢見住件外套慢慢degrade⋯⋯
Read More
之前有一集《不如我哋唔好再自欺欺人》，係我睇過一篇New Yorker嘅文章，然後講自己嘅感想。嗰一集嘅迴響都唔錯。今次分享嘅係The Atlantic嘅Ideas section，8月31日刊出嘅《All that performative environmentalism adds up》，作者Annie Lowrey。唔知大家有冇睇過喺Netflix上面Bill Gates嘅documentary呢？我曾經同一個朋友討論過其中關於核能發電嘅一集。佢話：「其實個人嘅力量真係好細，只有發展新科技先可以change at scale。」呢句說話留咗係我心入面好耐。如果係咁嘅話，我一直以來做嘅嘢真係垃圾到唔垃圾，對於政策上嘅改變我真係無從入手⋯⋯
Read More
我記得我第一次接觸嘅植物奶就係杏仁奶。細個嘅時候飲過嘅杏仁汁就係茶餐廳嘅熱杏霜，發現原來大家對杏仁嘅味道好兩極化。有啲人鍾意，有啲人唔鍾意。近幾年因為想避免飲牛奶，朋友推薦杏仁奶，貪佢夠厚身、同埋味道香濃。於是我就去搵一啲關於杏仁嘅資料。今集就想帶大家去到美國西岸嘅加州……
Read More
究竟我哋係幾時開始飲牛奶嘅呢？其實人類真係一個幾奇特嘅物種，全個地球應該淨係得人類呢一種生物會飲第二種生物嘅奶，亦都應該淨係得我哋先會大個咗都繼續飲奶。研究指出，通常lactase persistence嘅族群都係一啲牧民。但係奇怪嘅係唔係個個遊牧民族都係咁架喎！例如蒙古嘅牧民嘅lactase persistence非常低，非常耐人尋味⋯⋯
Read More